|
注重细节嘅人，不仅认真对待工作，将小事做细，而且注重在做嘢嘅细节中揾到机会，从而使自己走上成功之路。
近日朋友向我抱怨，由于上司岗位调动，被新老板拒批成年报销，金额高达数万。细问之下，原来朋友累积整年报销单据先向公司申请，不巧上司调岗，新老板上任时已经超过公司规定嘅报销期限。新老板批你係人情，唔批你係道理，双方各打五十大板。朋友自叹黑仔一边狂呻做报销惨过交报表，一大堆单据睇见都烦，唔到限期都唔想喐佢。
其实对于出差或应酬频频嘅员工来讲，报销确实係最令人头疼嘅工作。以前公司规定报销限期为一个月，一到月底报销期限前，个个愁眉苦脸，抱住堆单据埋头沉思：一来财务要求每张单据都必须写日期、是由，要回忆返几时同边个去咗边度食饭，仲难过夜返屋企俾老婆审你同边个去边到做咩嘢？二来唔好彩唔见咗张大额单据，真係吓到飙晒大汗，边个话一千几百等同垃圾？分分钱都有血有泪！唯有好似O记重案组案情咁，摊晒啲发票搜寻蛛丝马迹；好彩就喺角落执返张救命符，唔好彩就壮士一去不复返。
其实报销最能体现个人条理性。有位高管名人曾讲叙自己嘅奋斗史，当年佢只不过一刚出茅庐嘅实习生，唯一工作係帮公司高管们做报销。面对原属单调嘅工作好多人都冇工作激情，但佢却不嫌繁琐仔细将各项报销分类，通过报表掌握公司高层在不同场合嘅消费习惯和消费预算，从而提出改善方案得到上司赏识。多年后他感慨这份工作获益良多，养成嘅条理性工作习惯着实为以后晋升打下扎实基础。
当然，呢个係非常规进阶嘅范例，若每个员工照板煮碗，未免过于苛刻。不过，增强条理性确实利大于弊，你谂，只需随身携带一个文件袋，内装一沓A4空白纸，胶水、笔各一支，当扌罗到任何报销单据，第一时间粘在纸上，再花一分钟时间写埋时间、地点、人物，既轻松解决整理票据和填写是由两大报销难题，又能减少丢失发票嘅几率，何乐而不为？
好多企业已经把做事嘅条理性作为考核员工能力嘅一项主要指标。报销虽係小细节，有人做得好，有人却抱怨？呢个并唔係能力问题，而係有人中意一心二用或一心多用，结果事情没做好；而有人则懂得有计划、有条理地把目标具体化和细化。古语有云：天下大事，必作于细；天下难事，必成于易。睇不到细节，或者不把细节当回事嘅人，对工作缺乏认真态度，对事情只係敷衍了事；而注重细节嘅人，不仅认真对待工作，将小事做细，而且注重在做嘢嘅细节中揾到机会，从而使自己走上成功之路。细节决定成败，共勉之。
摘自《广州日服》
|
